Depaul School Exam -SSLC

മാരത്തോൺ ഓട്ടം കാണുമ്പോൾ ഇന്ത്യക്കാർ അതിൽ പങ്കെടുക്കുന്നുവെന്ന് കരുതുക. അവർ ആദ്യം മുതൽ മദ്ധ്യത്തിൽ ഒരു സ്ഥാനം പിടിക്കും. അതുപോലെ സ്കൂളിൽ പഠിക്കുമ്പോൾ ആദ്യ പത്തിൽ എവിടെയെങ്കിലും ഞാനും സ്ഥാനം പിടിക്കും. മാരത്തോണിൽ അവസാനം കെനിയക്കാർ തന്നെ ഒന്നാം സ്ഥാനം നേടും. ഇന്ത്യക്കാർ അവസാന ലാപ്പിൽ ഓടി ക്കയറുമെന്നു  നമ്മൾ ചിന്തിക്കും, അത് പോലെ എന്റെ മമ്മിയും ചിന്തിച്ചു കാണണം. കെനിയക്കാരെപ്പോലെ മധുവും അശ്വിനും ഷീമയും അവരുടെ ആദ്യ സ്ഥാനങ്ങൾ നിലനിർത്തി. ആ മാരത്തോൺ അങ്ങനെ കഴിഞ്ഞു. അബ്ദുൽ അവസാന ലാപ്പിൽ ഓടി മുന്നിൽ കയറി. പക്ഷെ കെനിയക്കാരെ വെട്ടിച്ചില്ല. എങ്കിലും ചില രഹസ്യ വാശികൾ അബ്ദുൾ  ആ മരത്തോണിൽ നാലാം സ്ഥാനത്തോടെ ഓടി തീർത്തു. ഞാൻ പത്തിൽ നിന്നും പുറത്തു പോയി. ഭാഗ്യം കൊണ്ട് ഡിസ്റ്റിങ്ഷൻ എന്ന പദവി നേടി. മാർക്ക് ലിസ്ററ് തരുമ്പോൾ  ഓസ്റ്റിൻ മാസ്റ്റർ ദേഷ്യപ്പെട്ടത് ഞാൻ ഓർക്കുന്നു.